СӨ сыана политикатын судаарыстыбаннай кэмитиэт сыананы уонна тарыыбы бэрээдэктиир управление салайааччытын солбуйааччы Сусанна Петровна Васильева, Арассыыйа Федеральнай антимонопольнай сулууспа (ФАС) сүбэһитинэн ананна.
Сусанна Васильева тохсунньу 23 күнүгэр куонкурустаах сүүмэрдээһини ааһан Москуба куоракка үлэҕэ ыҥырылынна.
Ыспыраапка:
Сусанна Петровна Васильева 1979 сыллаахха кулун тутар 1 күнүгэр Амма улууһун Бөтүҥ нэһилиэгэр төрөөбүтэ. Сунтаар улууһун Тойбохойдооҕу оҕо дьиэтигэр иитиллибитэ.
2001 с М.К. Аммосов аатынан СГУ Финансовай-экономическэй институтун бүтэрэн “Экономист” идэтин баһылаабыта.
Амма улууһун дьаһалтатыгар социальнай көмүскэл управлениетын исписэлииһинэн үлэлээн саҕалаабыта.
2002 с Горнай улууһун дьаһалтатын социальнай көмүскэл управлениетыгар үлэлээбитэ.
2003 с СӨ сыана политикатын судаарыстыбаннай кэмитиэтигэр үлэлээбитэ.
2013 с Систиэмнэй мониторинг институтун Саха сиринээҕи филиалыгар үлэлээбитэ.
2014 с Иһитиннэрэр систиэмэ сайдыытын уонна интеллектуальнай өйөбүл Саха сиринээҕи филиалыгар эксперинэн үлэлээбитэ.
2016-2019 сс СӨ сыана политикатын судаарыстыбаннай кэмитиэт сыананы уонна тарыыбы бэрээдэктиир управление салайааччытын солбуйааччынан үлэлээтэ.
Судаарыстыбаннай наҕараадалара: СӨ Бырабыыталыстыбатын махтал суругунан, СӨ сыана политикатын судаарыстыбаннай кэмитиэт бочуоттаах бэлиэтинэн, СӨ ДьУоХХ (ЖКХ) уонна энергиэтикэ министиэристибэтин түөскэ анньынар бэлиэтинэн наҕараадаламмыта.
