Илиҥҥа Африкаттан төрүттээх Эльнур Альшафи Адам Исмаил Арассыыйа пааспарын ылла. Кинини кытта Украинаттан, Молдоваттан уонна Узбекистантан төрүттээх дьон Арассыыйа олохтоохторо буоллулар.
Эльнур Альшафи Судан өрөспүүбүлүкэтиттэн төрүттээх. Саха сиригэр үөрэнэ кэлбит. Ааспыт сыллаахха ХИФУ оҕо хирура быраастары бэлэмниир ординатураны бүтэрбит. Билигин Н.И. Пирогов аатынан научнай-чинчийэр мэдэссиинэ университетын аспирана.
