Киирии

Киирии

“Горячее сердце” бүтүн Арассыыйатааҕы уопсастыбаннай-судаарыстыбаннай көҕүлээһин лауреаттарынан, Саха сириттэн үс үөрэнээччи: Максим Кудрин, Андрей Слепцов уонна Василий Терентьев буоллулар.

2013 сыл сэтинньи ыйыттан “Горячее сердце” бүтүн Арассыыйатааҕы уопсастыбаннай-судаарыстыбаннай социальнай суолталаах бырайыак үлэлиир. Сүрүн сыала – хорсун быһыыны оҥорбут 23-гэр диэри саастаах оҕолорго уонна ыччакка бэриллэр. Алта сыл иһигэр тэрийэр кэмитиэккэ 6300 сайаапка киирбит. 835 оҕо уонна уопсастыбаннай түмсүүлэр наҕараадаламмыттар. Быйыл 140 киһи лауреат буолла, олортон түөрт киһиэхэ өлбүтүн кэннэ анаатылар. Уонна биэс уопсастыбаннай тэриллиилэр, түмсүүлэр ыллылар. Кулун тутар 1 күнүгэр 28 лауреат наҕараадалааһыҥҥа ыҥырылыннылар. 

“Горячее сердце” бүтүн Арассыыйатааҕы уопсастыбаннай-судаарыстыбаннай көҕүлээһин лауреаттарынан Саха сириттэн үс үөрэнээччи буоллулар:

Максим Кудрин (2007-2018) Хаҥалас улууһа Булгунньахтаах сэлиэнньэтэ. Максим ааспыт сыл ыам ыйын 24 күнүгэр ыаллыы олорбут киһи илиититтэн суох буолбута. Санатар буоллахха,  65 саастаах эр киһи ыалларыгар кэлэн дьиэлээх хаһаайканы, кини уолун уонна биир эр киһини ытан өлөрбүтэ. Ол кэнниттэн атын дьиэҕэ тиийэн саастаах эр киһини уонна кини уолун тыынын быспыта.

maksim 274x350

Андрей Слепцов Таатта улууһа Ытык-Күөл. Андрей А.Е. Мординов аатынан Тааттатааҕы  лицей 7 кылаас үөрэнээччитэ. 13 саастаах оҕо иккитэ дьону ууттан быыһаан турар. 2017 сыллаахха от ыйыгар доҕотторун кытта сөтүөлүү сылдьан, эмээхсини уонна кини икки сиэннэрин ууттан быыһаабыттар. Уонна ааспыт сайын бэһис кылаас оҕотун эмиэ ууттан быыһаабыт.

sleptsov 274x350

Василий Терентьев Бүлүү  улууһа  Тоһу нэһилиэгэ. Ааспыт сыллаахха от ыйын 2 күнүгэр Бүлүү өрүскэ алдьархай буолбута. 10 үөрэнээччи сөтүөлүү сылдьыбыттар. Бу кэмҥэ Василий Андреевич Терентьев диэн олохтоох киһи балыктаан иһэн оҕолорун Васяны уонна Сайаананы көрөн күүтэргэ санаммыт. Онтон эмискэ өрүс ортотугар сүүрүккэ, уу бурулҕаныгар түбэспит түөрт кыыс хаһыытаабыттар. Эр киһи кинилэри быыһыы ыстаммыт. Киниэхэ 13 саастаах уола көмөлөспүт. Василий Андреевич сэниэтэ эстэн ууттан кыайан тахсыбатах.

terentev 274x350

Тарҕат:

Комментарии

Защитный код Обновить