Дьокуускай куорат баһылыга Сардана Авксентьева бастакытын эбээ буолар үрдүк ааты сүктэ. Үөрүүлээх сонуну «Серебряный дождь» радиоҕа ыалдьыттыы олорон кэпсээтэ.
Сардана Авксентьева сиэнэ кыыс, Москуба куоракка күн сирин көрбүт. “Бу нэдиэлэҕэ бастакы кыыс сиэним төрөөтө. Бу туһунан кэпсиэ суохтаах этим. Оннооҕор сорох аймахтарбыт билбэттэр”, — диэн иһитиннэрдэ.
Кыыһа кэргэн тахсан дойду киин куоратыгар олорор. Онон Сардана Владимировна билигин Москубаҕа кылгас болдьохтоох уоппускатыгар сынньана сылдьар.
