Киирии

Киирии

Уус Амма нэһилиэгин эдэр бааһынайа Алексей Блахиров 2014 сылтан бааһынай хаһаайыстыба тэринэн үлэлии олорор. 2015 сылга саҥа саҕалыыр бааһынай граныгар тиксэн, хаһаайыстыбатын хаҥатыммыта. Күн бүгүн хотонугар 37 ынах сүөһү, ол иһигэр 14 ыанар ынах кыстаан турар. Ону таһынан 12 сылгы, ол иһигэр биэс биэ сыһыыга сылдьар.

Таатта эдэр бааһынайа Алексей Блахиров ааспыт сыллаахха судаарыстыбаҕа 25,5 туонна үүтү туттаран, ыабыт ынаҕын ахсыттан 2-лии туонна кэриҥэ ылары  ситиспитэ. Эдэр хаһаайын былырыын үүт сойутар атыыласпыта.

Алексей сиртэн туруктаах үүнүүнү ылар, сүөһүнү от аһылыгынан дэлэччи хааччыйар инниттэн оттуур ходуһатын күрүөлээһиҥҥэ улахан болҕомтотун уурар. Былырыын кэлбит сааскы халаан уута ходуһатан күрүөтүн үгүс өттүн алдьатан ааспытын, сайыны быһа үлэлээн чөлүгэр түһэрбитэ. Инньэ гынан от үчүгэйдик үүнэн, сайын устата холкутук сыл тахсар отун бэлэмнээбитэ.

Бу күннэргэ ынах маассабай төрүөҕэ саҕаланан, бааһынай номнуо үүтүн туттаран эрэр. Билиҥҥи туругунан соҕотуопкалыыр тэрилтэҕэ 2 туонна үрүҥ илгэни туттаран квитанциялатта. Бу тэтиминэн бардаҕына быйыл даҕаны былааннаах үүтү аһара туттарар кыахтаах.

Ulus Media

Тарҕат:

Комментарии

Защитный код Обновить