Киирии

Киирии

Уус Алдан улууһун Мындааба бөһүөлэгиттэн төрүттээх Мария Давыдовна Сивцева бэрт ураты дьарыктаах. Кини оҕуруонан оту-маһы оҥорор. Онтукалара букатын дьиҥнээх курдуктар, саас айылҕа уһуктуутун санаталлар. Сайа охсор тыалга аргыый аҕай лабааларын хамсатан   бытааннык үҥкүүлээн барыахчалар.

 

IMG 20190404 WA0033

Мария Давыдовна Мүрү орто оскуолатыгар аҕыс кылааһы үөрэнэн бүтэрбитэ. Онтон отут сыл Мындааба уһуйааныгар иитээччи   көмөлөһөөччүтүнэн үлэлээбитэ. Кэлин успуорт оскуолатыгар эмиэ иитээччи   көмөлөһөөччүтүнэн онтон биэнсийэҕэ тахсыар диэри дьиэ сууйааччынан үлэлээбитэ. Билигин биэнсийэҕэ олорор. Кыыстаах, икки уол сиэннээх. Улахан сиэнэ номнуо устудьуон оттон кыра уол Мүрүтээҕи “Уолан” гимназияҕа бэһис кылааска үөрэнэр.

 IMG 20190404 WA0014 1

IMG 20190404 WA0011

Мария Давыдовна төһө да биэнсийэҕэ олордор күнү-дьылы кураанахха атаарбат. Ол курдук, Мындаабаҕа  “Үһүс саас оскуолата” диэн саастаах дьон түмсүүтүгэр сылдьар. Манна ким туохха дьарыктаныан, үөрэниэн баҕарарынан араас куруһуоктар үлэлииллэр. Холобур, иискэ, кыбытык тигиигэ, оҕуруону анньыыга, уруһуйга, ас астааһыҥҥа идэтийбит маастардар үөрэтэллэр. Мария Давыдовна оҕуруонан уонна кыбытык тигии куруһуогар сөбүлээн дьарыктаммыт. Кэлин интэриниэт киирэн ютубунан көрөн араас мастары оҥорорго үөрэммит. Бастакы үлэтэ хатыҥ мас буолар. Онтон ыла араас сибэккилэри, астаах мастары оҥорор буолбут. Салгыы Мария Давыдовна санаатын маннык үллэстэр: “Үлэлэрим табыллан, тиллэн бардахтарына наһаа үөрэбин уонна астынабын. Өссө оҥоруохпун, айыахпын-тутуохпун баҕарабын. Үлэтэ бытаан буолан элбэх бириэмэни эрэйэр. Ол гынан баран, көрүөхтэн кэрэ көстүүлээх оҥоһук айыллан таҕыстаҕына киһи онтон дьоллонор”.

IMG 20190404 WA0010

IMG 20190404 WA0015

IMG 20190404 WA0013

Венера Охлопкова

Тарҕат:

Комментарии

Защитный код Обновить

Бүтэһик сонуннар