Киирии

Киирии

Кэлиҥҥи кэмҥэ үгүс ыччат аҥаардас хамнаска эрэнэн олорбокко, ким туохха дьоҕурдааҕынан, талааннааҕынан ону-маны толкуйдаан дьоҕус бизнес тэринэллэр, эбии дохуот киллэринэллэр. Оҕолонон олорор эдэр ийэлэр эмиэ таах сылдьыбаттар. Ким эрэ туорт астыыр, баайар, сорохтор иистэнэллэр. Оттон бүгүҥҥү дьоруойум Алена Чиряева эмиэ иистэнэр. Ол эрэн, кини үлэтэ атыттартан ураты диэххэ сөп. Алена “Сырдык айар бөлөх” диэн дьоҕус ателье арынан оҕолорго аналлаах сахалыы истииллээх таҥастары тигэр.

Аҕыйах сыллааҕыта маҥнайгы кылаастан бииргэ үөрэммит дьүөгэтин Рита Павлованы кытта үлэлээн саҕалаабыттара. Алена суруналыыс оттон Рита үп үлэһитэ идэлээхтэр. Иккиэн оҕолорун көрөн олорор эдэр ийэлэр. Бастаан бэйэлэрин оҕолоругар анаан тикпиттэр. Ону аныгы үйэ сиэринэн социальнай ситимҥэ таһаарбыттарын көрөн чугас дьүөгэлэрэ, аймахтара кэлин атын дьон сэҥээрэн үлэһэр буолбуттар. Кылгас кэм иһигэр   ателье үлэтэ биллэ хаҥаан, Москубаттан, Санкт-Петербургтан оннооҕор Германия курдук ыраах дойдуга олорор биир дойдулаахтарбыт үлэспиттэр. Билигин Алена ийэтин кытта үлэлии-хамныы, айа-тута сылдьаллар. Ол туһунан санаатын кылгастык үллэстэр: “Кыраттан үөрэр, дьоллонор буоллахха туох барыта сатанар, кыаллар эбит. Биһиги хаачыстыба туһугар үлэлиибит. Нууччалыы эттэххэ перфекционист буоламмын муҥутуур үчүгэй хаачыстыбалаах буолуор диэри көтүрэ-көтүрэ тигэбин. Сыанабыт даҕаны удамыр. Билигин эрэллээх килийиэннэрдээхпит. Инньэ гынан, хас биирдии үлэҕи ылар кыахпыт суох курдук. Дьарыкпын олус сөбүлүүбүн. Хас биирдии үлэҕи ис сүрэхпиттэн кыһаллан туран тигэбин. Үлэһээччилэрим астыннахтарына онтон мин дьоллонобун. Инникитин былааммыт киэҥ ”.

20161009 6N3A7737aaaaa

20161009 6N3A7892aaaa

IMG 3951ssss

IMG 7322ggg

IMG 20160916 184212dddd

S61017 240423ffff

20161009 6N3A7991aaaa

Венера Охлопкова

Тарҕат:

Комментарии

Защитный код Обновить

Бүтэһик сонуннар