Ил Дархан Айсен Николаев “Чолбон” сурунаал сүрүн эрэдээктэригэр Данил Макеевка “Өрөспүүбүлүкэ үтүөлээх суруналыыһа” ааты туттарда.
Бу күннэргэ “Кыым”, “Мүрү саһарҕата” уонна “Саха сирэ” хаһыаттарга үлэлээбит биллэр суруналыыс, суруйааччы, билигин “Чолбон” уус-уран сурунаал эрэдээктэрэ Данил Макеев үбүлүөйүн бэлиэтиир. Онон биир идэлээхпитин үбүлүөйүнэн уонна “Өрөспүүбүлүкэ үтүөлээх суруналыыһа” ааты ылбытынан итиитик-истиҥник эҕэрдэлиибит.
