Киирии

Киирии

Галина Деревцова Дьокуускай куорат Губинскай уокуругун олохтооҕо. 1932 сыллаахха муус устар 10 күнүгэр күн сирин көрбүтэ. Күн бүгүнүгэр диэри Дьокуускайдааҕы уу тыраанспарын институтугар англия тылын учууталынан үлэлии-хамныы сылдьар.

Галина Александровна Аҕа дойду сэриитин сылларыгар Чита уобалаһын Сретенскай оройуонун РККА колхуоһугар үлэлээбитэ. Сэрии алдьархай кэмин этинэн-хаанынан билбитэ. Хомойуох иһин, 80 сааһын лаппа ааһыар диэри тыыл бэтэрээнин дастабырыанньатын кыайан ылбакка сылдьыбыта. Былырыын Мария Христофорованы көрсөн бу кыһалҕа быһаарылынна. Ол туһунан Галина Александровна маннык кэпсиир: “Ааспыт сыл күһүнүгэр “Набережнай” диэн атыы-эргиэн киинигэр Мария Николаевналыын билсибитим. Кини уокурук олохтоохторун кытта көрсүһүү ыыта олорор этэ. Мин туох кыһалҕалаахпын туоһуласпыта уонна сопхуоска үлэлээбиппин билэр туоһу дьону буларга сүбэлээбитэ. Хас да ый ааспытын кэннэ миигин умнубакка куруук эрийэрэ, сүбэлиирэ. Ол кэнниттэн барыта табыллан, туоһу дьон көстөн суругунан көрдөрүү биэрбиттэрэ. Суут дьыаланы мин туспар быһаарбыта. Инньэ гынан, Мария Николаевнаҕа махталым муҥура суох. Дьылҕам кинини кытта билиһиннэрбититтэн бэйэбин дьоллооҕунан ааҕабын”.

Дьокуускай куораттааҕы суут 2019 сыл кулун тутар 28 күнүгэр, Галина Александровна Деревцова 1943 сыл бэс ыйын 22 күнүттэн 1945 сыл ыам ыйын 9 күнүгэр диэри Чита уобалаһын Сретенскай оройуонун РККА колхуоһугар чахчы үлэлээбитин, тыыл бэтэрээнэ буолар кыахтааҕын  быһаарбыта.

Бүгүн, муус устар 30 күнүгэр Дьокуускай куорат нэһилиэнньэтин социальнай көмүскэлгэ уонна үлэҕэ управлениетын салайааччытын солбуйааччы Светлана Валентиновна Горюшинская, Галина Александровнаҕа тыыл  бэтэрээнин дастабырыанньатын үөрүүлээх быһыыга-майгыга туттарда.

20190430 142331 1

Тарҕат:

Комментарии

Защитный код Обновить

Болҕойуҥ ! Чэпчэтиилээх сурутуу саҕаланна!

kyym podpiska