Ыам ыйын 18 күнүгэр “Ночь в музее” аахсыйа чэрчитинэн, “Россия – моя история” мусуойга аан бастакытын K.U.T. диэн мультимедийнай быыстапка аһыллыаҕа. Талааннаах эдэр худуоһунньук Кыыдаана Игнатьева хартыыналара Антон Никифоров – Thony Krebs анимациятын көмөтүнэн уонна URAAN муусукатын доҕуһуолунан “тиллиэхтэрэ”.
Кыыдаана 20 анимацияламмыт үлэтин көрүөххүтүн сөп. Муусукаҕа сөптөөх хартыыналары таллым диэн ааптар кэпсиир. “URAAN муусукаларын ордук мистическэй диэн ойуулуохха сөп. Дизайнер Антон үлэлэрбин бэйэтэ көрөн анимация оҥордо. Мин көннөрбөтөҕүм. Онон кини хайдах көрөрүнэн оҥоһулунна. Хайдах хамсыылларын эҥин бэйэтэ быһаарбыта. Мин Сингапур куоракка “ArtSceince” диэн мусуойга мультмедийнай быыстапкаҕа сылдьыбытым. Бу Аан дойду үрдүнэн тарҕаммыта ыраатта. Оттон Саха сиригэр бастакытын ыытыллар”, – диэн Кыыдаана кэпсиир.
