50 саастаах Александр Габышев бастаан ааспыт сыллаахха Москубаҕа диэри сатыы хаампыта. Кини аара суолга көрсүбүт дьонугар Москубаҕа тиийэн Владимир Путины кытта көрсөр сыаллааҕын туһунан кэпсиирэ. Онтон аргыс ыта суолга массыынаҕа киирэн биэрэн Александр салгыы хаамарыттан аккаастанан төттөрү дойдутугар кэлбитэ.
Бу саастан Александр Габышев иккиһин холонон көрөргө сананан, билигин номнуо хааман ыраатта. Социальнай ситимнэргэ кини туһунан араас устуулар тарҕаналлар. Онно Александр икки ыйтан ордук сатыы хааман иһэрин туһунан кэпсиир. Балааккатын, оһоҕун, матарааһын, утуйар, таҥнар таҥаһын илдьэ сылдьар. Ыам ыйын саҥата кинини Амур уобалаһын Тыында оройуонугар көрбүттэр этэ. Александр Габышев дойду тэбэр сүрэҕэр икки сылынан сатыы хааман тиийэр күүстээх санаалаах.
News.Ykt.Ru
