Үөһээ Бүлүү Ороһутун эдэр фермерэ Александр Тюляхов хаһаайыстыбатыгар 150-ча ынах сүөһүнү иитэр. Бүгүҥҥү күҥҥэ 50-ча ньирэй төрөөтө. Хороҕор муостааҕын элбэтэн, сайылык туттан үлэтин-хамнаһын сайыннарар соруктаах.
Ороһуга чааһынай урбаанньыт Александр Игоревич Тюляхов бааһынай-фермерскэй хаһаайыстыбатыгар ынах сүөһүнү, сибиинньэни тутар. 150 ынах сүөһүлээҕиттэн, мантан 50-чата ыанар.
“Сайылыктааһын” бырагыраамаҕа киирсэн, сайылык туттаары гыммытым да, ыанар ынах ахсаана 100 төбө буолуохтаах диэн хааччахтан иҥнэн хааллым”, – диэн кини санаатын этэр.
Сайылыгын туттара буоллар, уотун-күөһүн тардыыга Анатолий Антонов баһылыктаах олохтоох дьаһалта көмөлөһөргө бэлэм олорор.
Галина Семенова ulusmedia
