Бэс ыйын 30 күнүгэр Туймаада Ыһыаҕын түмүктүүр биир саамай улахан тэрээһин, Ил Дархан бирииһигэр ат сүүрдүүтэ буолар.
Быйылгы күрэс сүүйүүлээх бырагыраамматыгар икки улахан бириис турбута. Ол курдук, куорат киинигэр икки хостоох кыбартыыра уонна “Lexus Lx 570” массыына. “Хайа эрэ дьоллоохтор сүүйэллэр...” диэн үгүс киһи күүппүт буолуохтаах.
“Lexus Lx 570” массыынаны Сунтаар улууһун Элгээйититтэн сылдьар Зоя Степановна Сергеева ылла. Оттон кыбартыыра хаһаайынынан Таатта улууһун Дэбдиргэтиттэн төрүттээх, талах курдаах эр бэрдэ Петр Иванович Нестеров буолла.
