Киирии

Киирии

 

Ил Дархан Егор Борисов 2016 сыл алтынньы 25 күнүнээҕи ыйааҕынан Саха Өрөспүүбүлүкэтин Бырабыыталыстыбатын Бэрэссэдээтэлинэн Евгений Чекин анаммыта. Ол эбэтэр кини бырабыыталыстыбаны салайбыта бу күннэргэ 500 хонуга туолар.

Түгэнинэн туһанан “Ситим” медиа-бөлөх генеральнай дириэктэрэ Мария Христофорова Евгений Чекини кытта Саха сирэ Арассыыйа биир ураты эрэгийиэнэ буоларын, былырыыҥҥы уонна быйылгы бүддьүөттэр туолууларын, онуоха “Мир” шахта саахалын сабыдыалын, тыа сирин дьоно дьарыктаах буолуутун, каадырынан хааччыллыы, тыа хаһаайыстыбатын бырагыраамата олоххо киириитин уо.д.а. туһунан кэпсэттэ.

Chekin

— Эйигин уонна бииргэ үлэлиир кэрэ дьону кэлэн иһэр Кулун тутар 8 күнүнээҕи бырааһынньыгынан эҕэрдэлиибин. Мин бу өттүнэн улаханнык табыллыбыт киһибин — ийэм Галина Львовна Чекина уонна икки эбэм — Клавдия Ивановна Чекина, Александра Сергеевна Оленина тапталларын ортотугар улааппытым. Ийэбинэн эбэм Клавдия Ивановна үлэлээбэккэ алта оҕотун иитиинэн дьарыктаммыт киһи. Киниэхэ 12 сиэнэ кэлээччибит, олус элбэх остуоруйаны, оонньуулары билэрэ, оҕону сатаан интэриэһиргэтэрэ. Эбэбитин кытта туох да сүрдээх интэриэһинэй буолааччы. Иккис эбэм Александра Сергеевна холкуоска үлэлээбитэ. Сэрии кэмигэр ыал улахан оҕото буолан үйэтин тухары үлэттэн ордубатах киһи. Сарсыарда 4 чааска турар, ынахтара, кууруссата, бороһуонактара — хаһаайыстыба барыта кини санныгар. Кэргэнэ төһө да хойутаан кэллин, кинини кэтэһэн эрэ баран чэйдииллэр. Киниэхэ кэллэххинэ хайаан да кэһиилээх буолар, төһө да солото суох буоллар кууһан олоро түһэрин олус күндүтүк саныыбын.

Ийэбэр икки оҕобут. Куорат кытыытыгар олорбуппут, онон биирбитин дьыссаакка, иккиспитин оскуолаҕа сарсыарда-киэһэ төттөрү-таары таскайдааһын. Иккиэммитин олус ыраастык, чэбэрдик тутан улаатыннарбыта. Билигин сиэннэрин ахтан манна кэлэ сылдьар. Урут кыһын сылдьа илик этэ, онон тымныыны, туманы көрөн санаата туолан сылдьар.

Онон дьоллоохтук улааппыт киһибин. Мин оҕолорбор сыһыаным, оҕолорум миэхэ сыһыаннара итиннэ олоҕурар: тапталы, болҕомтону ситэ билбэтэх “хара мэҥ” мин олохпор суох.

Ийэҥ премьер буолбуккун туох диэбитэй?

Кини отой кэлин билбитэ. Мин хаһан баҕарар бэйэм быһаарааччыбын, төрөппүттэрим кэлин билээччилэр.

 

 

Бу туһунан “Кыым” хаһыат кулун тутар 9 күнүнээҕи нүөмэриттэн ааҕыаххытын сөп.

Тарҕат:

Ырытыыгын суруй

Защитный код
Обновить