Киирии

Киирии

90-с сыллар биир саамай биллиилээх ырыаһытын Александр Самсонов-Айыы Уолун сырдык аатын үйэтитэр пааматынньык, кини төрөөбүт дойдутугар Хаҥалас улууһун Улахан-Аан нэһилиэгэр турда.

Александр Самсонов-Айыы Уола – ааптар уонна толорооччу. Кини кылгас олоҕор 30 тахса ырыаны хаалларбыта. Александр баара-суоҕа 20 сааһыгар ыарахан ыарыыттан олохтон туораабыта. Ол эрэн, кини туһунан үтүө өйдөбүлү сүгүрүйээччилэрэ күн бүгүнүгэр диэри илдьэ сылдьаллар.

Сыл аайы Хаҥалас улууһугар Александр Самсонов ырыаларынан бэстибээл ыытыллар. Холобур, быйыл икки кэнсиэр буолан ааста.

Биэс сыл аннараа өттүгэр “Айыы уола” диэн автобиографическай киинэ тахсыбыта. Уонна ийэтэ  Марфа Самсонова  көҕүлээһининэн, Айыы уолун аатынан “Ийэҕэ махтал” диэн духуобунас скверэ арыллыбыта. Манна Александр мөссүөнэ, нуоталар уонна “Ийэҕэ махтал” ырыа тыллара бааллар. Уонна илиитин үөһэ ууммут, гитаралаах Александр пааматынньыга баар буолла.

ysia.ru/

Тарҕат:

Комментарии

Защитный код Обновить