Балаҕан ыйын 22-28 күннэригэр Абу-Даби (ОАЭ) куоракка ыытыллыбыт, “Экспо-наука/esi’2019” диэн норуоттар икки ардыларынааҕы билим быыстапкатыгар, Нам улууһун II Хомустах орто оскуолатын 9-с кылааһын үөрэнээччитэ Саина Осипова кыттан кыайыыны ситистэ.
Саина собо балыктан чипсы оҥоруу ньыматын туһунан кэпсээбит. II Хомустаах оскуолатын үөрэнээччилэрэ “Собо Chips” диэн бырайыагы оҥорбуттарын туһунан эрдэ суруйа сылдьыбыппыт. Бу олохтоох собо балыктан оҥоһуллубут олус элбэх битэмииннээх ас. Буспут балыгы илдьиритэн баран туус, чеснок эбэтэр күөх луук куталлар.
