Киирии

Киирии

Уус Алдан улууһун Кэптэнититтэн төрүттээх, билигин АХШ олорор Алена Веддерберн (Лыткина) алта сыл буолан баран, сөбүлүүр ырыаһытын Рианнаны кытта иккиһин көрүстэ. Киниэхэ бэйэтэ уруһуйдаабыт хартыынатын бэлэхтээтэ. Ол туһунан Алена социальнай ситимҥэ таһаарбыт.

Алена алта сыл аннараа өттүгэр Прагаҕа үөрэнэ сырыттаҕына, социальнай ситимҥэ Рианнаны уруһуйдаабыт хартыынатын көрөннөр, Рианна кэнсиэригэр ыҥырбыттара. Онно киниэхэ сахалыы бастыҥа бэлэхтээбитин өйдүүр буолуохтааххыт.

Рианнаны кытта алта сыл буолан баран көрүстүм. Кини миигин өйдүүр эбит. Олус күүскэ кууспута. Бэлэхпин көрөн “Бу миэхэ дуо?” диэн соһуйбута. Эйигинэн киэн туттабын. Махтал”, – диэн Алена үөрүүтүн социальнай ситимҥэ сурутааччыларын кытта үллэстибит.

Алена 2017 сыллаахха Ямайкаттан төрүттээх Кемар диэн уолга кэргэн тахсыбыта. Билигин уол оҕолоохтор. Алена тату-салоҥҥа маастарынан үлэлиир. 

Тарҕат:

Комментарии

Защитный код Обновить