Дьокуускай куораттааҕы биисинэс-инкубатор резиденэ Анна Махарова, бэйэтин дизайнерскай оҕолорго аналлаах таҥаһа “Wildberries” интэриниэт-маҕаһыыҥҥа таҕыста. Бу туһунан урбаан миниистирэ Ирина Высоких иһитиннэрдэ.
“Бородууксуйабын “Wildberries.ru” саайтка таһаарарга сыл курдук үлэлээтим. Биир сүрүн сыалбын ситиспиппиттэн олус үөрэ, бэйэбинэн киэн тутта сылдьабын. Миэхэ итэҕэйэр, эрэнэр, куруук өйүүр дьоммор, төрөппүттэрбэр, доҕотторбор улахан махталбын тиэрдэбин. Ону таһынан, биисинэс-инкубаторга махтанабын. Хас сезон аайы саҥа кэллиэксийэни таһаарар буоларга үлэлиэм-хамныам”, – диэн Анна Махарова кэпсиир.
Yakutia24/Якутия24
