Хосе Андрес Абьян Пахарес диэн Испания киһитэ бэлисипиэдинэн Магадантан Байкалга диэри айанныыр. Бу күннэргэ Саха сиригэр кэлбит. Ол туһунан “YouTube”-ка баар ханаалыгар кэпсиир.
“Мин -40С кыраадыс тымныыга 390 км айаннаатым. Сирэйим тоҥмутугар олус долгуйбутум. Ол да буоллар, айаммын салгыыбын. Номнуо Саха сиригэр кэллим”, – диэн кэпсиир.
Аартыктан Усть-Нераҕа диэри айаннаан иһэн бэлисипиэдэ алдьанан, массыына тохтотон Усть-Нераҕа тиийэн бэлисипиэдин оҥостубут.
Санатар буоллахха, Хосе Андрес Магадантан ахсынньы 27 күнүгэр хоннубут. Кини 5000 км айанныахтаах. 2018 сыллаахха эмиэ айаҥҥа туруна сылдьыбыта эрээри, -50С тымныыга балааккаҕа хонон уҥа илиитин тарбахтарын тоҥорон тохтообута.