Суруйааччы, поэт, прозаик, кириитик, уопсастыбанньык Павел Харитонов – Ойуку, Ил Дархан Айсен Николаев ыйааҕынан “СӨ норуодунай суруйааччыта” ааты ылла.
“Бу Хаҥалас улууһугар суолталаах түгэн буолар. Павел Николаевич Хаҥалас олохтоохторуттан маннык үрдүк ааты ылбыт бастакы киһи буолар. Кини сүдү айымньыларынан улуус эрэ буолбакка, өрөспүүбүлүкэ устуоруйатын нэһилиэстибэтигэр сыаналаммат кылааты киллэрбитэ. Биир дойдулаахпыт айымньыларынан саха норуотун устуоруйатын үөрэтэр буолуохтара диэн эрэнэбин”, — диэн Хаҥалас улууһун баһылыгын эбээһинэһин толорооччу Федор Борисов эттэ.
Павел Харитонов 1941 сыллаахха бэс ыйын 22 күнүгэр төрөөбүт. Ордук “Хоболоох суол”, “Хаар кыы”, “Хачыал” о.д.а. айымньыларынан биллэр.
