Икки сыллааҕыта түөрт дьоппуон устудьуона бэлисипиэдинэн Тымныы Полюһугар айаннаан иһэннэр, биир уоллара атаҕын тоҥорон салгыы массыынанан айанныырга күһэллибиттэрэ. Уолаттар санааларын түһэрбэккэ иккиһин кэлиэх буолан дойдуларыгар төннүбүттэрэ.
Ол курдук олунньу ый бүтүүтэ иккис төгүлүн айаҥҥа туруннулар. Бу сырыыга туруоруммут сыалларын ситиһэргэ олох үчүгэйдик оҥостон кэлбиттэр. Ол курдук оһохтоохтор уонна элбэх эбии халыҥ таҥастаахтар. Уолаттар этэҥҥэ тиийдэхтэринэ кулун тутар 30 күнүгэр Баатаҕайтан Дьокуускайга сөмөлүөтүнэн кэлэр былааннаахтар.
