Войти

Войти

Чурапчы улууһун олохтооҕун Александр Александрович Попов – Сан Саныч ураты дьарыгын туһунан улууска эрэ буолбакка, өрөспүүбүлүкэҕэ эмиэ билэллэр. Кини байыаннай тиэхиньикэ макеттарын оҥорор. Ол курдук тиэргэнигэр “Катюша” бууска, Т-34 тааҥка, ПО-2, ЛА-7 сөмөлүөттэр макеттара тураллар. Оттон мастарыскыайыгар үнүстүрүмүөн арааһа баар.

2005 сыллаахха Улуу Кыайыы 60 сылын бэлиэтээбиппит. Ол кэмҥэ Владимир Сотников   байыаннай тиэхиньикэлэри оҥорон көрөргө этии киллэрбитэ. Ол муус устар ый ортото этэ. Мин тимири кытта үлэлиир үөрүйэҕим суох да буоллар сүбэлэспитим. Бастаан бууска оҥорор былааннаах этибит.   Онтон ПО-2 сөмөлүөтү оҥорбуппут”, – диэн Сан Саныч кэпсиир.

Screenshot 80

2010 сыллаахха “Катюша” буусканы оҥорбут. Билигин Чурапчы параада “Катюшата” суох ааспат. Оттон 2015 сыллаахха Т-34 тааҥканы оҥорбут. Ол саҕана Москубаҕа аймаҕар генерал Ефрем Романовка ыалдьыттыы сылдьан, түмэлгэ дьиҥнээх тааҥканы көрбүт. Бу тааҥка туһунан кинигэ атыылаһан аахпыт. Тааҥка макетын оҥорорго олохтоох маастардар көмөлөспүттэр. Элбэх матырыйаалы түһаммыттар. Ол түмүгэр 3 туонналаах тааҥка буолан тахсыбыт.

Ааспыт сыл күһүнүгэр ПО-2 сөмөлүөтү оҥорбут. Бу сөмөлүөтүнэн Чурапчы улууһун Кытаанах бөһүөлэгиттэн төрүттээх Вера Захарова көппүтэ. Биэс миэтэрэ уһуннаах, биинтэтэ эргийэр уонна дьиҥнээх сөмөлүөккэ курдук икки миэстэлээх.

Screenshot 80

Ааспыт сыл сайыныгар Иван Никитович Кожедуба Ла-7 сөмөлүөтүн макетын оҥорон саҕалаабыт. Ыам ыйын 9 күнүгэр диэри бүтэрэр былааннаах.  Ол курдук Улуу Кыайыы 75 сылынан, Кыайыы параадыгар "Катюшаны", Т-34 тааҥканы уонна сөмөлүөттэри таһаарар былааннаах.

yakutia24.ru/

Тарҕат:

Добавить комментарий

Бүтэһик сонуннар