Хаартыскаҕа биир дойдулаахпыт Валерий Максимов Канадаҕа РФ Эргиэнин бэрэстэбиитэлистибэтин үлэһиттэрин кытары турарын көрөҕүт.
Валерий Иванович этэринэн, кини биэдэмэстибэтигэр кэккэ уларыйыылар буолуохтаахтар. Эргиэн бэрэстэбиитэлистибэтэ РФ Экэниэмикэ сайдыытын министиэристибэтиттэн ылыллан, РФ Бырамыысыланнаска уонна эргиэҥҥэ министиэристибэтигэр бэриллэр. Валерий Максимов “орохпун тэппит сирбэр эргиллэбин” диэбит.
Санатар буоллахха, Валерий Максимов СӨ Бырамыысыланнаска министиэристибэтигэр саҕалаабыта. Онно начаалынньыктан саҕалаан миниистири солбуйааччыга диэри үүммүтэ (2002-2010 сс.). Ол кэннэ тас сибээс, экэниэмикэ миниистиринэн үлэлээбитэ. Канадаҕа РФ Эргиэнин бэрэстэбиитэлистибэтигэр 2016 сылтан ыла үлэлиир.
