Киирии

Киирии

Бүгүн парламент мунньаҕар дьокутааттарбыт судаарыстыбаннай наҕараада туһунан сокуон барылын көрдүлэр.

Бу наҕараадаҕа тиксибиттэргэ кумааҕы грамотаны таһынан кыһыл көмүстэн хары чаһытын туттараллар. Парламент сыл ахсын 6 мөл. солк. ити чаһылары атыылаһар. Ил Дархан эбээһинэһин быстах кэмҥэ толорооччу Айсен Николаев дуоһунаһын тутуоҕуттан “харчыны харыстыахха, үппүтүн үмүрүтүмүөххэ” диэн ыҥырар. Онуоха дьокутааттарбыт истэргэ соруннулар. Инньэ гынан, били көмүс чаһыларыгар экэниэмийэлээри гыналлар.

Экэниэмийэлээхтээн да диэбит курдук. Билигин аны 3% чэпчэки сыанаҕа көмүс чаһыны атыылаһар буолуохтара. Сыллааҕы экэниэмийэ – сыалай 200 тыһ. солк.!

Урукку ССТХА ректора, Аппа уҥуордааҕы уокуруктан Ил Түмэн дьокутаата Леонид Владимиров кыһыл көмүс хары чаһы оннугар биэ бэлэхтиэххэ диэн туруоруста. “Чаһы туһата кыра, оттон биэ төрүөҕү биэрэ туруоҕа, сылгыбыт ахсаана да элбиэҕэ” диир.

Леонид ВЛАДИМИРОВ:

- Ити чаһылар кыһыл көмүстэн эбээт! Онтугут сыаната төһөнүй? Кимнээх оҥороллоруй? Миэхэ элбэх чаһылаахпын да, онтум биирэ да барбат! Арай Путин итэҕэллээх киһитэ эрдэхпинэ бэлэхтээбит чаһылара эрэ тигинэччи үлэлиир. Арба, кэриэйдэр бэлэхтээбит “Дружба” чаһылара эмиэ үлэлиир эбит. Атыттара таах тохтоон тураллар. Барбаттар.

Мин биир атаспар үбүлүөйүгэр 10 хары чаһытын бэлэхтээбиттэр. Маҕаһыыҥҥа туттара тийбитин ылбатахтар. Аккаастаммыттар. Оттон биир чаһы 60 тыһ. солк. ээ. Мөлүйүөн аҥара бардаҕа ол.

Биир чаһы биир биэ сыаналаах. Өскөтүн биһиги чаһы оннугар биэ эбэтэр ынах бэлэхтиирбит буоллар, дэлэ абыраныа этилэр дуо? Аграрийдарбыт  бэркэ абыраныах этилэр. Биһиги кинилэртэн сүөһүнү ылабыт, оттон кинилэр харчылана түһэллэр! Бэрт баҕайы буолбатах дуо? Мин бүгүн чаһыта суохпун. Путин биэрбит чаһытын бырааһынньыктарга эрэ кэтэбин, оттон атыттары кэтиэхпин , барбаттар ээ...

Биһиги наҕараада ылар дьонтон талларыахтаахпыт – кыһыл көмүс чаһыны ылаҕыт дуу, эбэтэр биэни дуу? Дьахталлар баҕар ынах да диэтиннэр. Мин баар чаһыбын барытын парламеҥҥа аҕалыам, ол оннугар миэхэ биэтэ биэриҥ! Мин онтон үөрүөх эрэ тустаахпын. Швейцария чаһытын оҥорооччулары өйөөн-убаан бүтүөххэйиҥ! Түксү! Ынах эбэтэр биэ! Дьахталларга – ынах, эр дьоҥҥо – биэ!

Тарҕат:

Ырытыы  

Барча
0 Барча 08.06.2018 21:03
Билигин сотовай телефон уйэтэ чаьыы актуальная суох.Ол оннугар практичнай со5ус бэлэх ордук буолуо.Тыа дьоно рабоч. класска соптоох со5ус.
Ответить

Ырытыыгын суруй

Защитный код
Обновить