Киирии

Киирии

Биэнсийэ систиэмэтигэр сыһыаннаах сокуон барылларын эрэгийиэннэргэ ырыталларыгар ыыттылар. Маннык баһаарыныыны Госдуума Сэбиэтин мунньаҕын кэнниттэн ылыннылар.

Гос Дуума бэрэссэдээтэлин бастакы солбуйааччы Александр Жуков этэринэн, сокуон барылларын бастакы ааҕыыта сааскы сиэссийэ кэмигэр ыытыллара былааннанар (от ыйыгар диэри сааскы сиэссийэ). Оттон салгыы күһүҥҥү сиэссийэҕэ көрүөхтэрэ.

“Билигин Гос Дуума Сэбиэтигэр биэнсийэ систиэмэтигэр сыһыаннаах саҥа сокуон барылларын профильнай кэмитиэттэр этиилэринэн, эрэгийиэннэргэ ыыталаатыбыт. Кинилэр ону көрөн ырытыһыахтара, этии киллэриэхтэрэ. Ол кэннэ ый устата профильнай кэмитиэт эрэгийиэннэр этиилэрин хомуйуоҕа”, - диэтэ Жуков.

“Дойду биэнсийэтин систиэмигэр уларытыыны киллэрии уолдьаспыта ыраатта. Ол бастатан туран биэнсийэ үрдүүрүгэр наада. Кэнники сылларга биэнсийэ оннооҕор инфляция таһымыгар индексацияламматаҕа. Ол биэнсийэни хааччыйыы таһыма тиийбэт буолбутугар тириэрдибитэ”, - диир Александр Жуков.

“Бырабыыталыстыба ааҕарынан, өскөтүн бу саҥа сокуон олоххо киирэр түгэнигэр, номнуо 2019 сылга билиҥҥи биэнсийэлээхтэр ыйдааҕы биэнсийэлэрэ 1 тыһ. солк. үрдүөҕэ, оттон сылга – 12 тыһ. солк.”, - диир парламентарий.

Тарҕат:

Ырытыыгын суруй

Защитный код
Обновить