Киирии

Киирии

Билигин “Таатта" баан АУо тула буола турар быһыы-майгы иннэ-кэннэ биллибэт. Кистэл буолбатах, бу эрэгийиэннээҕи баан оҥорор өҥөтө быдан чэпчэки буолан, Саха сирин үгүс тэрилтэлэрэ харчыларын бу баанынан эргитэллэр.

Биһиги РФ Киин бааныгар “Таатта баан” балаһыанньатын билсэн эрийэ сырыттыбыт. Онуоха күн-бүгүн баан лиссиэнсийэтин былдьыы иликтэрин, ханнык да санация биллэриллибэтэҕин эттилэр. 21-с Федеральнай сокуонунан, Киин баан “Таатта баан” юридическай сирэй буоларынан сибээстээн, кини ис үлэтигэр орооһор кыаҕа суох эбит. Ол иһин, баан тоҕо үлэлээбэтин, эпэрээссийэни ыыппатын туоһулаһан, “Таатта” баан салалтатыгар билсиэхтээххит диэтилэр. Маныаха, кэлин сууттаһар эҥин түгэҥҥэ, юридическай да, физическэй да сирэйдэр баан салалтатыгар почта нөҥүө официальнай ыйытыы ыытара ордук диэн сүбэлээтилэр.

Баан иккис күнүн сүгүн үлэлээбэтин быһыытынан, сотору кэминэн Киин баан лиссиэнсийэтин былдьыан, эбэтэр санация оҥоруон сөп дииллэр. Билиҥҥитэ уурдарыылаах дьон Кырыымтан, Красноярскай кыраайыттан, Саха сириттэн уо.д.а. эрэгийиэннэртэн балачча үҥсүһэн эрэллэр эбит. Өскөтүн, бүгүн-сарсын, Киин баан “Таатта баан” лиссиэнсийэтин былдьыыр түгэнигэр хайдах буолар? Киин баантан быһаарбыттарынан, физическэй сирэйдэр 1 мөл. 400 тыһ. солк. диэри уурдарыылаах буоллахтарына, ону үс күн иһинэн, атын агент бааҥҥа тиийэн холкутук устуохтарын сөп. Тоҕо диэтэххэ, ити уурдарыылар бары страховкалаахтар. Онон, "Агентство по страхованию вкладов" уурдарыы харчыны 3 күн иһигэр биэриэхтээх. Оттон онтон элбэх уурдарыылаах физическэй сирэйдэр моҥкуруут процедурата барбытын кэннэ, куонкурус биллэриллэн, ону төлүүр агент баан биллибитин кэннэ (быраактыка көрдөрөрүнэн, ааҕынынан "Агентство по страхованию вкладов" буолар) биирдэ чаастарынан төлөнөр. Ити кыччаабыта сылтан ордук кэм барыан сөп.

Оттон юридическай сирэйдэр, лиссиэнсийэ ылылынна да, саҥа кэлбит быстах салалтаны кытары үлэлэһиэхтэрэ. Кинилэргэ физическэй сирэйдэргэ курдук 1,4 мөл. солк. механизм тарҕаммат. Онон, уурдарыы харчыларын моҥкурууттааһын кэннэ, үһүс уочаратынан (физическэй сирэйдэр кэннэ) биирдэ өлүүлэһэн ылыахтара. Этэргэ дылы, уһун унньуктаах ырыалаах олоҥхо буоларыгар тиийэр.

Тарҕат:

Ырытыы  

Наталья
0 Наталья 04.07.2018 17:23
Пахай, оччоҕо хамнаспытын хайдах ылабыт?
Ответить
Аараттан
0 Аараттан 04.07.2018 21:20
Дьаабы. Уонна хайа да былаас уоргана ирдиир да, дьаһайар да кыаҕа суох.
Ответить

Ырытыыгын суруй

Защитный код
Обновить