“Таатта” бааны бэрэбиэркэлээн баран РФ ХК 160 ыст. 4 ч. (дьон итэҕэлин ылан баран үлүгэр үбү сиэһин, иҥэринии) холуобунай дьыаланы көбүттүлэр. Борокуратуура пресс-сулууспата иһитиннэрэринэн, харчыны баан Москубатааҕы филиалын каассатыттан устубуттар.
Бэрэбиэркэ быһаарбытынан, “Таатта” баан соруйан, бэйэтин хапытаалын ускуустубаннайдык “тупсара сатаан” (хапытаала улахан буоллаҕына килийиэннэр киирэллэр) араас эпэрээссийэлэри, барыстаах сөбүлэҥнэри оҥорбут. Онтон сылтаан баан килийиэннэригэр харчыларын кыайан биэрэр кыаҕа суох суолга тиийбит. Маны таһынан, борокуратуура бэрэбиэркэтэ баан Москубатааҕы филиалыттан үгүөрү үбү уоран устубута биллибит. Билигин холуобунай дьыала чэрчитинэн силиэстийэ бара турар. News.Ykt.Ru иһитиннэрэринэн, москубатааҕы баантан 4 млрд солк. устубуттар.
Санатар буоллахха, Арассыыйа Киин баана “Таатта” лиссиэнсийэтин былдьаабыта. Билигин кирэдьиит тэрилтэтигэр быстах дьаһалта үлэлиир.
