Киирии

Киирии

Федеральнай антимонопольнай сулууспа (ФАС) Саха сиринээҕи салаата ГСМ ырыынагар судаарыстыбаннай атыылаһыыга “Саханефтегазсбыт” уонна “Туймаада-Нефть” АУо ньиэп-хампаанньата куомуннаһан сыананы үрдэппиттэригэр дьыаланы тэрийбит. Бу туһунан РФ ФАС баһылыгын солбуйааччы Андрей Цариковскай иһитиннэрэр.

“Аныгыскы нэдиэлэҕэ Саха сиригэр бэйэбитинэн тиийэн бу дьыаланы кыраҕатык кэтээн көрүөхпүт. Саха сиринээҕи ФАС номнуо дьыаланы көбүттэ, онуоха биһиги управлениебытын кытары уонна Саха сирин балаастарын кытары мунньахтыахпыт”, — диэн бэҕэһээ буолбут пресс-кэмпириэнсийэҕэ Цариковскай эттэ.

Бу дьыаланы ФАС ОНФны кытары картеллары кытары охсуһууга туһуламмыт бырайыактарын чэрчитинэн хомуллубут матырыйаалларга олоҕуран көбүппүттэр.

ОНФ “За честные покупки” бырайыагын координатора, Госдума дьокутаата Антон Гетта иһитиннэрбитинэн, “Саханефтегазсбыт” уонна “Туймаада-нефть” хампаанньалар 2010 сылтан ыла куомуннаһан туран, картель олохтоон аукциоҥҥа сыананы олох түһэрбэттэр эбит. Инньэ гынан, бэнсиин сыаната бас баттах үрдээн хаалар. Гетта этэринэн, бу сыллар тухары судаарыстыбаннай атыылаһыыга тендери сүүйэн,бу хампаанньалар 22 млрд солк. дохуоттана түспүттэр! Маннык балаһыанньаны Камчатка кыраайыгар эмиэ арыйбыттар эбит.

ФАС картеллары кытары охсуһар управлениетын начаалынньыга Андрей Танишев этэринэн, Уһук Илиҥҥэ ГСМ кыһалҕата ордук тоҕоостоох. “Онно уот ыстаансыйалара эҥин бары мазутунан, чоҕунан бараллар. Оттон инник куомуннаһар хампаанньалар үрдэтиллибит сыананан мазуту атыылыыллар, ол уот тарыыбыгар охсор, онтон салгыы сыана барытыгар охсон барар”, - диир Танишев.

Тарҕат:

Ырытыыгын суруй

Защитный код
Обновить

Бүтэһик сонуннар