Киирии

Киирии

От ыйын 17 күнүгэр РФ бэрэсидьиэнин Уһук Илиҥҥэ боломуочуйалааҕа Юрий Трутнев Москубаҕа Уһук Илиҥҥэ уонна Байкал кыраайыгар инвестициялаах бырайыактары олоххо киллэрии боппуруостарынан дьарыктанар хос хамыыһыйа мунньаҕын тэрийдэ. Онно Саха сириттэн Ил Дархан эбээһинэһин толорооччу Айсен Николаев кытынна. Мунньахха урутаан сайдар территориялары өйүүр, сайыннарар туһунан кэпсэттилэр.

Ол түмүгүнэн, “Хаҥалас” ТОР резиденэ “Саюри” бырайыагы уонна “Колмар” УК тэрилтэни сайыннарарга туһаайан, “Соҕуруу Саха сирэ” ТОРга инженернэй инфраструктура эбийиэктэрин тутууну федеральнай бүддьүөт суотугар өйүүргэ, ону таһынан “Тарыҥ” ХБК энергетическэй инфраструктуратыгар 638 мөл. солк. аныырга диэн, бэртээхэй быһаарыы ылыммыттар.

Оттон Дьокуускай Сыырдааҕар түстэммит сылы эргиччи үлэлиир “Саюри” тэпилииссэ Уһук Илини сайыннарыы Пуондатыттан үбүлэнэр тутаах суолталаах бырайыагынын билиниллэн, комплексы салгыы тутарга анаан, 300 мөл. солк. бэриллэр буолбут.

Бу өйөбүл Уһук Илини сайыннарыы чэрчитинэн оҥоһуллар. Санаттахха, Уһук Илиҥҥэ 18 урутаан сайдар территория баар. Манна холбоон, 3,8 трлн солк. инвестициялаах 1 375 бырайыак олоххо киириэхтээх. Ол түмүгэр 2025 сылга тиийэн уокурук үрдүнэн 127 тыһ. саҥа үлэ миэстэрэ тахсыахтаах. Билиҥҥитэ 140 млрд инвестициялаах 129 тэрилтэ үлэлээн, уопсайа 11,5 тыһ. үлэ миэстэтэ тахсыбыта этилиннэ.

Тарҕат:

Ырытыыгын суруй

Защитный код
Обновить

Бүтэһик сонуннар