СӨ Арбитраж суута бүгүн, атырдьах ыйын 21 күнүгэр, Арассыыйа Киин баанын сайабылыанньатынан, “Таатта” бааны моҥкуруутунан билиннэ.
Суут уурааҕынан, моҥкурууттааһын чэрчитинэн, биир сыл болдьохтоох куонкурус үлэтэ барыаҕа, куонкурус салайааччытынан уурдарыылары страховкалыыр Ааҕыныстыба (судаарыстыбаннай корпорация) билиннэ. Суукка киин баан бэрэстэбиитэлэ эппитинэн, баан иэһэ 8 млрд солк. тахса, оттон баан актыыба – 3 млрд. 576 мөл. солк. сыаналаммыт. Инньэ гынан, иэһин-күүһүн сабарга өссө да 4,6 млрд. солк. тахса тиийбэт. Онон моҥкуруукка ыытар сөптөөҕүнэн аахта.
