Киирии

Киирии

СӨ Нэһилиэнньэ олоҕор куттал суох буолуутун кэмитиэтэ иһитиннэрэринэн, Арктика улуустарыгар навигация сырыыта күчүмэҕэйдэммит. Барыта 370 тыһ. таһаҕас тиэллиэхтээҕиттэн, бу күннээҕи туругунан, 83 эрэ тыһыынчата тиийэн турар.

Ол курдук, Дьааҥыга уу түһэн, Уус Куйга-Нижнеянскай кэрчиккэ сырыы тохтоото. Индигиир төрдүгэр төрдүгэ байҕал суудуналара ньиэптэрин өрүс баржаларыгар сүөкээн, олор Чокуурдаахха, Абый Үрүҥ Хайатыгар айаннаатылар. Хотугу байҕалга материк уонна Улахан Лээхэп арыы икки ардыгар муус харгыстаан, сорох суудуналар уонча хонук тардылыннылар.

Халыма халаанын содулун туоратыыга анаммыт тутуу матырыйаала Дьокуускайтан Магадаан Сэйимчээнинэн эргийэн барда. Сорох атын таһаҕас Мурманскай, Владивосток пуортарыттан байҕалынан ыытыллар. Оттон навигация балаҕан ыйынан түмүктэнэр.

Тарҕат:

Комментарии

Защитный код Обновить