Балаҕан ыйын 12 күнүгэр, Илиҥҥи экэниэмикэ форумугар, Ил Дархан эбээһинэһин быстах кэмҥэ толорооччу Айсен Николаев уонна Бүтүн Арассыыйатааҕы «Деловая Россия» общественнай тэрилтэ бэрэсидьиэнэ Алексей Репик урбаан сайдыытыгар уонна биисэнэс киириитигэр тоҕоостоох усулуобуйалары тэрийиигэ, Саха сиригэр инвестиция сайдыытыгар бииргэ үлэлэһии туһунан сөбүлэҥ түһэрдилэр.
СӨ Бырабыыталыстыбатын уонна Ил Дархан дьаһалтатын пресс-сулууспата биллэрэринэн, Айсен Николаев уонна Алексей Репин олохтоох каадырдары бырамыысалыннаска, ону тэҥэ социальнай-экономическай өттүнэн урутаан сайдар сирдэргэ кытыарар туһунан боппуруостары көрдүлэр.
Ону таһынан, олохтоох орто уонна кыра биисэнэһи бөдөҥ инвестиционнай бырайыактар олоххо киириилэригэр субподрядчик быһыытынан кытыарар булгуччулаах диэн, Айсен Николаев бэлиэтээтэ.
«Өрөспүүбүлүкэ олохтоохторун үөрэтии боппуруоһа инвестиционнай бырайыактарга хайаан да көрүллүөхтээх», - диэн Ил Дархан эбээһинэһин быстах кэмҥэ толорооччу эттэ.