Киирии

Киирии

“Южная Якутия” урутаан сайдар сир (ТОР) Baosteel Resources диэн кытай металлургическай хампааннатын кытары салгыы үлэлэһиэҕэ. Маныаха туһааннаах сөбүлэҥи буолан ааспыт Илиҥҥи экэниэмикэ форумугар баттастылар.

Баттаммыт меморандумҥа өр кэмнээх бииргэ үлэлэһии сайдыытын уонна Кытай норуодунай өрөспүүбүлүкэтигэр Саха сириттэн таас чоҕу экспордааһын туһунан этиллэр. “Колмар Груп” дириэктэрдэрин сэбиэтин бэрэссэдээтэлэ Анна Цивилева быһаарбытынан, Baosteel Resources хампааннаны кытары бииргэ һлэлээһин Саха сирин уонна дойду экэниэмикэтигэр үчүгэйинэн эрэ дьайыаҕа. “Биһиги дойду уонна тас дойду партнердара итэҕэллэрин өр кэм устата хоннохтоохтук ылса үлэлээһимит түмүгэр ситистибит. Ити сыалбытын ситистибит, онон салгыы бөдөҥ бырайыактары олоххо киллэрэргэ ылсан үлэлиэхпит”, - диэтэ Цивилева.

“Колмар” хампаанна бөлөҕө Уһук Илиҥҥэ хас да бөдөҥ инвестиция бырайыагын үлэлэтэр. Сүрүннээн – Арассыыйаҕа таас чоҕун сайыннарыыга – Нерюнгри улууһугар “Южная Якутия” ТОР чэрчитинэн хайаны байытар баабырыкалары уонна шахталары тутууга уонна Хабаровскай кыраайга Ванино портка чоҕу тиэйэр терминалы тутар.

Манна хостомут үрдүк хаачыстыбалаах чох 80%на Кытайга, Японияҕа уонна Кэриэйэҕэ экспортанар.

Тарҕат:

Комментарии

Защитный код Обновить