Арассыыйа үрдүнэн бу дьыл ыам ыйын 1 күнүттэн хамнас алын кээмэйэ (МРОТ) тииһинэн олоруу алын кээмэйигэр (прожиточный минимум) тэҥнэһэр буолла. Бу туһунан 374313-7 №-дээх федеральнай сокуону Госдума үһүс ааҕыыга ылынна.
Маныаха 2017 сыл иккис кыбартаалыгар олохтоммут тииһинэн олоруу кээмэйэ туттуллан, МРОТ кээмэйэ дойдуга 9489 солкуобайтан 11163 солк. буола үрдүүрэ быһаарылынна.
Оттон биһиги өрөспүүбүлүкэҕэ хамнас алын кээмэйэ ыам ыйыттан 17 388 солк. тэҥнэһиэҕэ. Санаттахха, бу тохсунньуттан үрдээбит хамнас алын кээмэйэ 16 282 солк этэ.
