Киирии

Киирии

РФ премьер-миниистирэ Дмитрий Медведев Саха сиригэр халаан уутуттан эмсэҕэлээбит суоллары оҥорууга, бырабыыталыстыба резервнэй пуондатыттан 72 мөл солк үп көрүллэрин туһунан дьаһалга илии баттаата.

“Саха сиригэр быйыл саас халаан уутуттан эмсэҕэлээбит суоллары чөлүгэр түһэриигэ 72,4 мөл солк үп көрүллэр. Манна 33 км массыына суолун учаастагын оҥорон, бу сыл түмүктэниэр диэри үлэҕэ киллэрэр сорук турар”, – диэн ТАСС иһитиннэрэр.

Сааскы уонна сайыҥҥы халаан уутуттан 15 оройуон 63 нэһилиэнньэлээх пууннарыгар 5,3 тыһ тахса киһи эмсэҕэлээбит. Өрөспүүбүлүкэ административнай киинигэр 1,5 тыһ олорор дьиэлэр ууга барбыттар.  Манна 5 тыһ тахса киһи олорор. Уопсайа 1,3 млрд солк хоромньу тахсыбыт.

Тарҕат:

Комментарии

Защитный код Обновить