Арассыыйа Киин баана кэлэр сыл кулун тутар 14 күнүгэр, Азиатскай-Тихоокеанскай бааны атыылыыр аһаҕас аукцион ыытыаҕа. Баан сыаната 9,8 млрд солк саҕаланыа. Ордук “Восточнай” уонна “Совкомбанк” бааннар атыылаһарга интэриэстээхтэрин биллэрбиттэр.
Билиҥҥи туругунан АТБ баан финансовай балаһыанньата бигэ туруктаах. Саҥа хапытаал оҥоһуллубут, төлөһөр кыаҕа чөлүгэр түспүт, бигэ дохуоту хааччыммыт.
“АТБ баан 11 ый иһигэр 8,6 млрд солк дохуоду киллэрдэ. Олортон ыраас барыһа ыйга 300 млн солк тэҥ. Баан сүтэрбит клиеннэрин үгүстэрин төннөрдө”, — диэн быстах кэмнээх администрация салайааччыта Роман Романенко иһитиннэрдэ.
