Войти

Войти

Ити бөрүкүтэ суох быһыыны, аҥаардас Мииринэй куоратын олохтоохторо, 2018 сыл ахсынньытын туругунан, хомунаалынай өҥөҕө 87 мөл. солк. иэһи мунньубуттар. Онтон сылтаан аата-ахсаана биллибэт сууттар, биир кур иэстээх киһини таас дьиэтиттэн,  букатын дьаабы, кэр-дьэбэр дьиэҕэ көһөрбүттэрэ дьэҥкэтик туоһулуур.


Саатар ДьУоХХ иһигэр уларыйыы-тэлэрийии бөҕө бара турар.Сүрүннүүр тэрилтэ - МПЖХ " АЛРОСАҕа" билигин сыһыана суох. Бу тэрилтэ Мииринэй куорат 319 дьиэтин хааччыйар. 
Саҥа нуорма-быраап чэрчитинэн, ХЭТ МПЖХ,  олохтоохтору кытары дьиэлэри хааччыйыыга сөбүлэҥ түһэрситэлиир. Ол сөбүлэҥҥэ илии баттаһарга ким да тиэтэйбэт. Ким да туохха да дьаалайбатын холобура - Мииринэй куорат ыалларын  аҥаара, итии уонна тымныы ууну туттууну ааҕар учуотчуктары (“водосчетчики холодной и горячей воды” ) туруортарбакка олороллоро буолар. 2019 сылтан ылата кыбарпылаата эрэ үрдээбэт. Уу туттуллуутун ааҕар учуотчуктара суох дьон үрдэтиллибит төлөбүрүнэн, МПЖХны кытары аахсыахтара. Бу - нуорматтан 50 бырыһыан үрдүк. Эбиитин эрэй диэбиккэ дылы, дьон бары, өмүрбүт курдук учуотчук туоруортарар мучумааныгар " умса түһэн",  "һуу-һаа" бөҕөтө. Бэйэлэрэ да соччото суох балаһыанньалаах аҕыйах сантехник төрүт кыаммат. 
Билигин сантехникка наадыйыы олус улахан буолан, ол дьон,  хамнаныылара лаппа ыараан, ирдэбиллэрэ, "тойомсуйуулара" улаатан турар. Аны ыҥырыкка сүгүн-саҕын кэлбэт идэлээхтэр. Дьэ, онон, ДьУоХХҕа хайдах дьыл буолаахтыыра - таабырын. Саамай куһаҕана – баччааҥҥа диэри  учуотчуга суох олорбуттар, ДьУоХХ өҥөтүн иһин ыарахан сыананан төлөһөргө күһэллиэхтэрэ турдаҕа.

Станислав Алексеев, Мииринэй куорат.

Тарҕат:

Комментарии

Защитный код Обновить