“Саханефтегазсбыт” АУо бэнсиинин сыаната тохсунньуттан эмиэ үрдээтэ.
Хампаанньа саайтыгар бүгүн официальнай бигэргэммит сыананы таһаардылар. Онно көстөрүнэн, Дьокуускайга АИ-95 мааркалаах бэнсиин 1,2 солк. үрдээтэ уонна 56,8 солк. тэҥнэстэ.
Саамай сыаналаах бэнсиин хоту улуустарга атыыланар. Онно АИ-95 мааркалаах лиитирэ бэнсиини 69,4 солк. атыылыыллар.
Санатар буоллахха, “Саханефтегазсбыт” АЗСтарыгар бэнсиин ааспыт сыл сэтиннитигэр эрэ үрдээбитэ, оттон ол иннигэро – алтынньыга уонна балаҕан ыйыгар.
