Киирии

Киирии

Саха сиригэр алта сыл иһигэр тыһыынчаттан тахса км суол өрөмүөннэниэ. Национальнай бырайыак чэрчитинэн, бу сорукка Саха сирэ 2024 сылга диэри 30 млрд кэриҥэ солкуобайы ороскуоттуоҕа.

Аҥардас киин куоракка 9 млрд солк. көрүллүбүт. Бу харчыга 200 км усталаах суолу оҥоруохтара. Ил Дархан Айсен Николаев бэлиэтээбитинэн, суолу оҥорууга хонтуруол күүһүрүөҕэ.

Тутар эрэ тэрилтэлэри талыыга буолбакка, үлэ хаачыстыбатыгар эмиэ болҕомто ууруллуо. Маны тэҥэ киин улуустары сэргэ хоту эргин суоллары эмиэ өрөмүөннүөхтэрэ диэн Ил Дархан чопчулуур.

“Билигин 100 км-тэн аһара тахсаммыт, сыл аайы 200 км суол оҥоһуллуохтаах. Ол аата суолу тутар тэтиммит 10 төгүл тэтимириэхтээх. Бэдэрээччиттэр, тырааныспар министиэристибэтэ, улуустар салалталара холбоһон, суолу түргэнник уонна хаачыстыбалаахтык тутан, дьон туһатыгар таһаарыахтаахтар. “Дьааҥы”, “Умнас”, “Амма” о.д.а. суолларга күүстээх үлэ ыытыллыаҕа. Уопсастыбаннас, тустаах уорганнар да өттүлэриттэн кытаанах хонтуруол баар буолуоҕа”, – диэтэ Айсен Сергеевич. 

Арассыыйаҕа “Куттала суох уонна хаачыстыбалаах суоллар” национальнай бырайыагы олоххо киллэрэргэ 4,8 трлн солкуобай ирдэнэр.

Тарҕат:

Комментарии

Защитный код Обновить