2024 сылга диэри Саха сиригэр “Доруобуйа харыстабыла” национальнай бырайыак сэттэ эрэгийиэннээҕи бырайыагын толорууга 45,6 млрд солк тыырыахтара. Бу туһунан ТАССка СӨ доруобуйа харыстабылын миниистирэ Елена Борисова иһитиннэрдэ.
“Өрөспүүбүлүкэҕэ “Доруобуйа харыстабыла” национальнай бырайыак бары дьаһалларын олоххо киллэриигэ федеральнай уонна өрөспүүбүлүкэтээҕи бүддьүөттэн 45,6 млрд солк үп ирдэнэр”, – диэн Елена Борисова кэпсээтэ.
Кини этэринэн Саха сиригэр “Развитие системы оказания первичной медико-санитарной помощи”, “Борьба с сердечно-сосудистыми заболеваниями”, “Борьба с онкологическими заболеваниями”, “Детское здравоохранение”, “Медицинские кадры”, “Цифровой контур здравоохранения”, “Развитие экспорта медицинских услуг” диэн эрэгийиэннээҕи бырайыактар олоххо киирэллэр.
Национальнай бырайыак чэрчитинэн мэдэссиинэ тэрилтэлэрин эбийиэктэрин тутуу былааннанар. Ол иһигэр, 210 миэстэлээх онкодиспансер иккис уочарата уонна 150 миэстэлээх кардиососудистай киин.
Ону таһынан, фельдшерскай-акушерскай пууннар уонна участковай балыыһалар саҥардыллыахтара. Мэдэссиинэ үлэһиттэрин бэлэмнээһиҥҥэ улахан болҕомто ууруллуо.
