Муус устар 1 күнүттэн социальнай биэнсийэ 2% үрдүө. РФ бырабыыталыстыбата төлөбүр индексациятын бигэргэттэ.
Үлэ министиэристибэтэ суруйарынан Арассыыйаҕа 3,2 мөл киһи социальнай биэнсийэни ылар. Биэдэмистибэ көрдөрүүтүнэн индексация кэнниттэн төлөбүр орто кээмэйэ 182 солк үрдээн 9266 солк буолуоҕа.
Социальнай биэнсийэни инбэлииттэр, төрөппүт көрүүтэ-истиитэ суох хаалбыт уонна тулаайах оҕолор, ону таһынан, инбэлиит оҕолор, аҕыйах ахсааннаах хотугу норуоттар бэрэстэбиитэллэрэ уонна атын биэнсийэни ылбат дьон туһаналлар.
