Арктика олохтоохторугар тыраанспар, дьиэ-уот, сир нолуога көтүрүллүөҕэ. Бу туһунан өрөспүүбүлүкэ муниципальнай тэриллиилэрин сэбиэтин VIII съеһигэр Ил Дархан Айсен Николаев иһитиннэрдэ.
Айсен Сергеевич ааспыт сылтан арктика улуустарын урбаанньыттара нолуок судургу систиэмэтигэр биллэр өйөбүлү туһаналларын бэлиэтээтэ уонна иһитиннэрдэ: “Арктика улуустарын өйүүр туһунан элбэҕи кэпсиибит уонна аҕыйаҕы оҥоробут. Бырабыыталыстыба бэрэссэдээтэлигэр Владимир Солодовка бу күннэргэ арктика оройуоннарын олохтоохторун тыраанспар нолуогуттан босхолуур туһунан сокуон бырайыагын бэлэмнииригэр сорудахтыам. Ону таһынан, муниципальнай оройуоннар олохтоохтору сир уонна дьиэ-уот нолуогуттан босхолуулларыгар көрдөһөбүн. Муниципальнай тэриллиилэр дохуоттарын өрөспүүбүлүкэ судаарыстыбаннай бүддьүөтүттэн толуйуохха наада”.
