Киирии

Киирии

Сахабыт сирэ олус киэҥинэн, айана, суола-ииһэ сайдыбатаҕынан саамай ороскуоттаах эрэгийиэн быһыытынан биллэр. Нэһилиэнньэҕэ анаан чэпчэтии оҥоһуллубата эбитэ буоллар, дьиҥнээх тарыып сиэрэ суох үрдүк буолуо этэ. Уһук Илин уокурукка Саха сиригэр биир саамай кыра кээмэйдээх тарыып олохтонор. Маны сэргэ дьиэ кэргэн уопсай дохуотуттан хому­­наалынай өҥө иһин 7 % төлүүллэр. Эбиитин орто  хамнас 15% хомунаалынай өҥө куоһарар түгэнигэр субсидия бэриллэр. Манна даҕатан эттэххэ, тыа сиригэр гаас төлөбүрэ куораты кытта тэҥнээтэххэ 20 %, ититиигэ уонна уокка 30% намыһах.

Урукку өттүгэр тарыып сылга биирдэ олохтоноро, оттон билигин  тарыып кээмэйин сылга иккитэ көрөллөр. Иккис уларыйыы от ыйын 1 күнүгэр олоххо киириэҕэ. Бу бастатан туран, дойду үрдүнэн табаарга, өҥөҕө  эбии көрүллэр нолуок кээмэйэ 20 бырыһыаҥҥа диэри үрдээбитин кытта ыкса сибээстээх. Нолуок үрдээн сыана эмиэ биллэ ыараата. Ол курдук, тохсунньу 1 күнүттэн хомунаалынай өҥө төлөбүрэ 1,7 % үрдээбитэ.

Нэһилиэнньэ дьиэни-уоту хааччыйар хомунаалынай өҥө эйгэтигэр сыана үрдүүрүн ыарыылаахтык ылынар, онон сарсын Дьокуускай куорат, Курашова уулуссатын 24 нүөмэригэр, уопсастыбаннай кииҥҥэ киэҥ кэпсэтии буолар. Дьүүллэһиигэ эспиэр – модератор Елена Владимировна Саввинова кыттар.

Тарҕат:

Комментарии

Защитный код Обновить