Киирии

Киирии

Дьокуускай куорат мээрийэтэ бүддьүөттэн ороскуоту кыччатан бу сыл саҥатыттан 48 мөл тахса солк кэмчилээбит.   Бу туһунан ТАССка куорат баһылыга Сардана Авксентьева иһитиннэрбит.

“Иһитиннэрэр үлэҕэ,   таһынааҕы уонна уобсастыбаннай сибээскэ ороскуоту кыыччатан, бүддьүөт үбүттэн   быһа холоон 36 мөл солк, делегациялары көрсүүгэ 4,9 мөл, командировкалар ороскуоттарын кыччатан 4,6 мөл солк  кэмчилээтибит. Ону таһынан, баһылык бастакы солбуйааччыта дуоһунас сарбыллан 2,6 мөл солк кэмчилээтибит», — диэн Сардана Авксентьева кэпсиир.

Сардана Владимировна чунуобунньуктар мааны массыыналарын атыыга таһаарбытын туһунан истибит буолуохтааххыт. Дохуот сороҕунан социальнай таксины үлэлэтэри  эрэннэрбитэ. Ол курдук, сыаналаах массыыналартан аккаастаныы кини биир бастакы дьаһала этэ. Ааспыт сыл балаҕан ыйыгар куорат баһылыгынан талыллан үлэлиэҕиттэн кэккэ сыаналаах тэрээһиннэри уураппыта. Олор истэригэр 1,5 мөл солк суумалаах балет туоруоруута уонна 1 мөл солк  суумалаах  мааны саҕынньахтары көрдөрүү. Бу курдук ороскуоту кыччатыы кини быыбар иннинээҕи бырагыраамматыгар баара.

Сардана Авксентьева ааспыт сыл балаҕан ыйын 9 күнүгэр куорат баһылыгын талыы быыбарыгар 39,98% куолаһы ылан   кыайыыны ситиспитэ. Бу иннинэ куорат баһылыгын солбуйааччынан, “Аэроторгсервис” производственнай-коммерческай комплекс дириэктэринэн үлэлээбитэ.

Тарҕат:

Комментарии

Защитный код Обновить