Үлэтэ суохтарга, радиацияттан эмсэҕэллэбиттэргэ социальнай босуобуйаны уонна ыйдааҕы оҕо харчытын аны “Мир” эрэ каартаҕа түһэрэр буолуохтара. Бу туһунан РБК ааҕыныстыба иһитиннэрэр. Бу саҥа быраабыла 8 мөл. кэриҥэ киһини хаарыйыаҕа.
Маныаха туһааннаах дойду бырабыыталыстыбатын ыйааҕа бу сыл ыам ыйын 1 күнүттэн олоххо киириэҕэ. Ыйаахха этиллэринэн, “Мир” каартаҕа биэнсийэ бары көрүҥэ уонна да атын байыаннай биэнсийэлээхтэр социальнай төлөбүрдэрэ, маны таһынан быраабы араҥаччылыыр уорган биэнсйиэлээхтэрэ 2020 сыл от ыйын 1 күнүгэр диэри көһөрүллүөхтэрэ.
Бүгүҥҥү күҥҥэ дойду бааннара 56 мөл. “Мир” национальнай каартаны таһаарбыттар.
2019 сылга федеральнай бүддьүөттэн үлэтэ суохтар босуобуйаларыгар анаан 53,4 млрд солк. көрүллүбүт, оттон радиацияттан эмсэҕэллэбиттэргэ – 13,8 млрд солк. Оттон оҕо харчытын аҥаара олохтоох бүддьүөттэн көрүллэр.
Санатар буоллаха, “Мир” национальнай баан каартатын тэрийэр туһунан быһаарыныы 2014 сыллаахха сааҥсыйаларынан сибээстээн ылыныллбыта. Оттон бүддьүөт үлэһиттэрин уонна биэнсийэлээхтэри “Мир” каартаҕа көһөрүү туһунан сокуон 2017 сыл ыам ыйыгар ылыныллыбыта. Бүддьүөт эйгэтин бары үлэһиттэрэ хамнастарын уонна устудьуоннар истипиэндьийэлэрин национальнай каартаҕа былырыын от ыйын 1 күнүттэн ылан саҕалаабыттара. Оттон боростуой биэнсийэлээхтэри национальнай төлөһөр систиэмэҕэ 2020 сыл от ыйын 1 күнүттэн көһөрүөхтэрэ.
Сэҥээриилэр
Is this a paid theme or did you customize it yourself?
Either way keep up the excellent quality writing, it's rare to see a great blog
like this one today.
My site - hair loss treatment: https://consuelovita.it/from-balding-to-beautiful-one-man-s-journey-to-regaining-his-confidence-with-hair-loss-treatment