Бүгүн Владимир Солодов салайааччылаах бырабыыталыстыба мунньаҕар “Об утверждении коэффициента индексации ежемесячной денежной выплаты гражданину, осуществляющему уход за гражданином пожилого возраста” диэн бырайыагы көрдүлэр.
Бырайыак “Об организации приёмных семей для граждан пожилого возраста” диэн өрөспүүбүлүкэтээҕи сокуон иһинэн киирбит.
Бырайыакка бу сыл тохсунньу 1 күнүттэн кырдьаҕас дьону көрүү ыйдааҕы төлөбүрүн үрдэтиин туһунан суруллар. Төлөбүр 20098 солк тэҥнэһиэ. 2017 сыллаахха 18582 солк, оттон 2018 с – 19325 солк этэ.
Бырабыыталыстыба пресс-сулууспата иһитиннэрэринэн, бу сылга “Социальная поддержка граждан в Республике Саха (Якутия) на 2018 — 2022 годы” диэн судаарыстыбаннай бырагыраамманан 88 мөл солк үп көрүллүбүт. Бу харчы кырдьаҕас дьону көрөр 250 ыалга ананар. Билигин өрөспүүбүлүкэ үрдүнэн кырдьаҕас дьону көрөн олорор 188 ыал баар. Манна 189 саастаах дьон олороллор (28 муниципальнай оройуоҥҥа уонна Дьокуускайга).
