Киирии

Киирии

Өрөспүүбүлүкэ дьаһалтата үлэтэ суох дьон бэйэ дьыалатын арынарыгар 35,2 мөл тахса солк тыырары былаанныыр. Бу туһунан ТАССка нэһилиэнньэ дьарыктаах буолуутун эрэгийиэннээҕи кэмитиэтэ иһитиннэрэр.

2019 сылга үлэтэ суох дьон дьарыктаах буолалларыгар өрөспүүбүлүкэ бүддьүөтүттэн 35 мөл 287,6 тыһ солк үп көрүлүннэ. Ааспыт сыллаахха 40 мөл 723,64 тыһ солк этэ”, – диэн кэмитиэт бэрэстэбиитэлэ кэпсиир. Бу үлэтэ суох 203 киһи бэйэ дьыалатын арынарыгар көмө буолара былааннанар.

Бу сыл ыам ыйын 1 күнүнээҕи көрдөрүүнэн,  нэһилиэнньэ дьарыктаах буолуутун кииннэригэр үлэтэ суох дьону кытта  биир кэмнээх көмө харчыны ыларга 76 дуогабар оҥоһуллубут”, – диэн кэмитиэккэ иһитиннэрдилэр.

Кэмитиэт көрдөрүүтүнэн биир кэмнээх төлөбүр кээмэйэ 152 тыһ солк. Ол иһигэр бэйэ дьыалатын арынарга – 150 тыһ солк, өҥөнү регистрациялыырга – 2 тыһ солк.

 ТАСС

Тарҕат:

Комментарии

Защитный код Обновить