Войти

Войти

Алмаастаах куорат олохтоохторо олохтоох тыа сирин сибиэhэй аhылыгын амсайбатахпыт быданнаата.

Мииринэйдэр «Новай» сопхуостаах буолан эрэ тулуһан олоробут. Сопхуос норуокка олус туһалаах, абыраллаах хаһаайыстыба.«Новай» сопхуос 72 тыһ. нэһилиэнньэлээх оройуону сылы быһа сымыытынан, үүт астарынан, куурусса этинэн хааччыйар.Эбиитин сылгы этэ, быар, сүрэх, мыыhас атыыга баар буолааччы.Сопхуос биир сылга ортотунан уон мөлүйүөн устуука сымыыты, 1500-1700 туонна үүтү атыыга таhаарар.

mir6

Хаhаайыстыба бородууксуйата – ынах, сылгы, куурусса эттэрэ, сымыыт, эриллибит эт, полуфабрикаттар, бакыаттаах сүөгэй, чөчөгөй, иэдьэгэй, суорат, йогурт Мииринэй оройуонун эргиэнин туочукаларыгар хамаҕатык атыыга барар.Хаһаайыстыба бастыҥ хааччыстыбалаах бородууксуйата Накыын уруудалаах сиригэр (Ньурба ХБК), Айхалга, Удачнайга быстарыга суох ыытылла турар.Аны билигин бородууксуйа алмаастаах Үөһээ Мууна алмаас хостуур тиһигэр, баахта куоратыгар тиэллэр буолла.Арыылаахха – «Мэҥкэр», Мииринэй куорат үрдүнэн үс фирменнэй маҕаһыын - «Туой-Хайа», «Юбилейнай», «Катунь» тигинэччи үлэлии олороллор.    «Новайдар» бородууксуйалара Бүлүү ГЭС күрүлгэнин, уот-күүс үөс сирдэригэр - Чернышевскайга, Светлэйгэ эмиэ атыыланар.Саха сирин арҕаа эҥэрэ Удачнайтан, Ленскэйтэн Сунтаарга диэри, сопхуос бородууксуйата – этэ-үүтэ, сымыыта, куурусса этэ суох сатамматтар.Кириэстээх, Тойбохой, Аллыҥа, улуус киинэ – Сунтаар, «Новай» сопхуос сымыытынан, атын бородууксуйатынан, хаайтарыы суох кэмигэр, үчүгэйдик хааччыллааччылар.

mir3

Отут устуука сымыыт сыаната күн бүгүн – 295 солк.

Хааччыстыбатын «материктан» тиэллибит сымыыты кытары холообоккун – быдан сибиэhэй, минньигэс амтаннаах.

Холобур, мин, ыраах тэлэһийдэхпинэ, сопхуоһум сымыытын куруук суохтааччыбын.

mir1

Сопхуос бородууксуйатын сыанатын манна «кыбытабын».

Ынах этэ («Субпродукты») – 422 солк.

3,2, 3,5 бырыhыан хойуу пастеризацияламмыт үүт бакыата - 97 солк.

Стерилизацияламмыт үүт – 98 солк.

Бакыаттаах сүөгэй - 150, чөчөгөй – 145 солк, йогурт – 140 солк, «Снежок» үүт аһылык - 135 солк, суорат – 130 солк, иэдьэгэй – 522 солк.

Аҕыйах хонуктааҕыттан ылата, 82,5 бырыһыан сыалаах ынах арыыта – 1.050 солк. буолла!

Бу соторутааҕыта аҕыс мөһ. солк. этэ.

mir4

Хаартыска: Pressа TV саайтан туһанылынна 

mir5

Сыана эмискэччи тоҕо ыараабытын, төрдүн-төбөтүн сэрэйэ эрэ саныыгын.

«Новай» сопхуос «профильнайа суох актыып» буолан, «АЛРОСА» хампаанньа састаабыттан тахсар куттала үөскээбитинэн, дьон олус хараастар.

Кырдьык даҕаны, ««Новай» сопхуос үйэттэн ордук кэм тухары, Мииринэйи, Ленскэйи аһатан баран, алмааска «профильнайа суох» тэрилтэ буолан, таһаара сатыыллара дьиксиннэрэр.

Оттон хампаанньаттан араҕыста да, хаhаайыстыба кэрэгэй балаhыанньаланара саарбахтаммат.

Сопхуос күн бүгүн бэйэтэ туспа «буруо таhаарынар» кыаҕа, бигэ эрэллээх балаhыанньата суох.

Маны учуоттаан туран, Саха сирин бырабыытылыстыбата уонна «АЛРОСА» «Новай» сопхуоhу чөлүнэн хаалларарга, биир сүбэнэн үлэлэhэллэрэ буоллар диэн олохтоохтор баҕа санаалаахтар.

Станислав Алексеев, Мииринэй куорат.

 

 

 

Тарҕат:

Добавить комментарий