Киирии

Киирии

Бу сыл ыам ыйын 25 күнүттэн Сбербаан ипотека бырыһыанын түһэрдэ. Онон, саҥа тутуллубут дьиэҕэ кыбартыыраны 8,2% саҕалаан оттон иккис ырыынактан 9,6% саҕалаан ылыахха сөп.

Бу туһунан Байкаллааҕы баан исписэлиистэрэ суруналыыстары уонна дьиэ тутар хампаанньа салайааччыларын кытта көрсүһүүгэ иһитиннэрдилэр.

Байкаллааҕы баан бэрэссэдээтэлин солбуйааччы Юлия Кальвина маннык кэпсээтэ: “Бааҥҥа ипотека кирэдьиитин ылыыга сайаапканы биэрии 10% аччаата. Ипотека бырыһыана түспүтүн таһынан өссө биир үөрүүлээх сонуннаахпыт. Ол курдук, тутааччылартан субсидиялааһын бырагыраамата үлэлиир. Онно эдэр ыалларга аналлаах туспа усулуобуйалаах. Ону таһынан, дьону кытта дистанционнай салайыы быһыытынан үлэлиибит”.

Сбербаан Иркутскайдааҕы салаатын партнердары кытта үлэлиир отдел начаалынньыга Кирилл Диковенко, оҕолоох дьиэ кэргэни өйүүр судаарыстыбаннай бырагыраама туһунан сиһилии кэпсээтэ: “Бу бырагырааманан икки эбэтэр онтон элбэх оҕолоох дьиэ кэргэн туһаныан сөп. Оҕолоруттан саатар биирэ 01.01.2018 кэнниттэн уонна 31.12.2022 иннинэ төрөөбүт буолуохтаах”. Ипотека кирэдьиитин чэпчэтиллибит ыстаапката 6% тэҥнэһэр.

Тарҕат:

Комментарии

Защитный код Обновить