Войти

Войти

Cахалин тумул арыытын материгы кытары холбуур күргэ уонна порт тутуутугар 433,3 млрд солк. наада. Бу туһунан Уһук илин уонна Арктика сайдыытын миниистирин солбуйааччы Александр Крутиков иһитиннэрэр.

Хара маҥнайгыттан туму арыыны уонна материгы холбуур күргэ тоннеллаах буоуохтаах диэн этэ. Оттон билигин Невель хомотунан тимир суол ааһар муосталаах күргэни тутар туһунан кэпсэтэллэр. Тимир суол лииньийэтэ 580 км буолуохтаах.

Оттон күргэнэн таһаҕас тиэйиитин улаатыннарар сыаллаах дириҥ уулаах порт тутуллуохтаах. Ол порт Сахалин соҕуруулуу арҕаа Делангля хомотугар тутуллуохтаах.

Санатар буоллахха, Ил Дархан Өлүөнэни туоруур күргэни тутуу 60-65 млрд солк. сыаналаммытын туһунан эппитэ. Ол иннинэ күргэни тутуу 70-80 млрд солк. буолуо диэн иһитиннэрбиттэрэ. Күргэ бу сыанатын толуйарын туһунан дойду экэнэмиичэскэй сайдыытын министиэристибэтиттэн бигэргэтиини ылбыта.

Сахалин күргэтэ эбэтэр Өлүөнэни туоруур күргэ билиҥҥитэ ыра санааҕа эрэ баар. Бу икки күргэттэн хайата олоххо киириэҕин кэм-кэрдиис көрдөрүө эрэ диирбитигэр тиийэбит.

Тарҕат:

Добавить комментарий